Rojhilata Navîn a Nû: Di navbera xewn û rastiyê de

Rojnameya El Ereb a ku li Londonê weşanê dike, veguherînên siyasî û leşkerî yên li Rojhilata Navîn nirxandin û destnîşan kir ku têgeha "Rojhilata Navîn a Nû" bi gelek projeyan û bi taybetî nêrîna Şîmon Peres a li ser bingeha aştiya aborî ve girêdayî ye.

PeyamaKurd - Rojnameyê diyar kir ku nakokiyên herêmê tenê bi şeran ve ne sînordar in. Lê belê kontrola rêyên deryayî yên girîng ên wekî Tengava Hurmiz û Bab El Mendeb, pêşbaziya li ser korîdora aborî ya Hindistan-Ewropayê û Însiyatîfa Kember û Rêya Çînê di nava vê aloziyê de ne.

Şerên li Sûriye, Xeza, Lubnan, Sûdan û Lîbyayê tevna aloz a berjewendiyên hêzên herêmî û navdewletî nîşan didin.

Êrîşa li ser Balafirgeha Riyadê û hevkariya ewlehiyê

Ji aliyê din ve, malpera Al Rai bal kişand ser bandorên êrîşa li ser Balafirgeha Navneteweyî ya El Melik Xalid a li Riyadê û da zanîn ku ev pêşketinên ewlehiyê hevkariya parastinê ya di navbera Siûdî û Washingtonê de dixe ber ceribandineke pratîkî.

Her wiha rojnameya El Şerq a Lubnanê di gotareke xwe de bal kişand ser zêdebûna aloziya di navbera Erebistana Siûdî û Hûsiyan de, rola Îranê rexne kir û tekez kir ku ewlehiya axa Siûdî rasterast bi parastina rêyên deryayî û aramiya herêmî ve girêdayî ye.