Fîlmê derhênera Kurd di Festîvala Fîlman a Berlînê de Xelata Fîlmê Pêsî yê Serketî sitend

PeyamaKurd – Derhênera Kurd Kurdwîn Ayûb, bi fîlmê xwe yê bi navê "Sonne" ku yekemîn fîlmê wê yê metrajdirêj e, di 72yemîn Festîvala Fîlman a Berlînê (Berlinale) de, Xelata Fîlmê Pêşî yê Serketî sitend.

Derhêner Kurdwîn Ayûb, Kurdeke ji Başûr e, li Duhokê hatiye dinê û niha li Viyanayê dijî.

Di festîvalê de, 18 fîlm di pêşbaziyê de bûn. Juriyê, di bin serokatiya derhêner û senarîstê Amerîkî M. Night Shyamalan de biryara xwe da û xelat hatin belavkirin. 

Xelatên hatin belavkirin wiha ne:

- Fîlmê Herî Serketî (Hirça Zêrîn): Alcarras (Derhêner Carla Simon)

- Xelata Mezin a Juriyê:  “The Novelist's Film” (Derhêner Hong Sangsoo)

- Xelata Juriyê: ”Robe of Gams” (Derhêner  Natalia Lopez Gallardo)

- Derhênerê Herî Serketî: Claire Denis (Both Sides of the Blade)

- Lîstikvana Herî Serketî Meltem Kaptan ( bi rola di fîlmê Ra­biye Kurnaz li Dijî George W. Bush e)

- Lîstikvana Duyemîn a Herî Serketî:  Laura Basuki (Bi rola di fîlmê Nana de)

- Senaryoya Herî Serketî: Ra­biye Kurnaz li Dijî George W. Bush e

- Performansa Hunerî ya Herî Serketî: Rithy Panh ( "Everything Will Be Ok”)

- Belgefîlmê Herî Serketî: ”Myanmar Diaries” (Derhêner Kolektîfa The Myanmar Fîlm) 

- Fîlmê Pêşî Yê Herî Serketî: ”Sonne” (Derhêner Kurdwin Ayub)

- Kurtefîlmê Herî Serketî (Hirça Zêrîn):  "Trap" (Derhêner Anastasia Veber)

Festîvala Fîlman a Berlînê (Berlînale) di 10ê mehê de bi merasîmekê destpê kiribû û heta 22yê mehê wê bidome.