Tableta Sumerî roja pêncsemê dide Iraqê

PeyamaKurd – Tableta ji kevir ku li serê bi zimanê Sumerî perçeyekî ji helbesta destana Gilgamiş hatiye nivîsandin û dîroka wê diçe heya 3.600 salan, wê Amerîka bide Iraqê. Tablet di sala 1991 an de ji Iraqê hatibû revandin û wê Amerîka roja pênşemê bi fermî bide Iraqê.

Destana Gilgamêş di dinyayê de weka destana herî kevin tê naskirin û perçeyekî ji helbesta Sumeriyaye. Li gor Neteweyên Yekgirtî di sala 1991 ê de tablet hatiye dizîn û di sala 2007 an de bi rêya qaçax birine Amerîkayê.

Tablet di sala 2014 an de ji aliyê Hobby Lobby de hatiye kirin û di sala 2019 an de wezareta dadê ya Amerîkayê dest danî ser tabletê. Wê dewra tabletê 23 yê êlûnê de li Washington DC yê li Enstituya Smithsonianê bêkirin.