Amerîka û Fransa li Minbicê cihê xwe xurt dikin

PeyamaKurd - Berpirsekekî Hêzên Sûriya Demokrat (HSD) ragihand ku artêşa Frensa û ya Amerîkayê li bajarê Minbicê yê Rojavayê Kurdistanê, bingeheke serbazî ya nû ava dikin.

Di wê çarçoveyê de, çalakvanên bajarê Minbicê li ser torên civakî çend vîdeo belav kirine ku liv û tevgerên hêzên Frensî û Amerîkî têde diyar dibin.

Bi gotina wî berpirsê HSDê, damezirandina wê bingeha nû li Minbicê, bi mebesta parastina wê navçeyê ji terorîstan û gefên derve ye.

Ew bingeha serbazî dikeve bakurê hêla bergiriyê li Minbicê.

Niha bingeheke din ya hêzên Amerîkî li rojavayê Minbicê heye û bi awayekî berdewam, hêzên Amerîkî çavdêriya rewşa ewlehiya bajar dikin.