TR KU SO
FB X
Cîhan

Artêşa Îranê bi dronan êrîşî baregeha DYAê ya li Kuveytê kir

Admin H
Nivîskar
📅 18 mijdar 2026 13:15

PeyamaKurd - Artêşa Îranê ragihand ku sibeha roja Çarşemê (18ê Mijdara 2026an) bi rêya balafirên bêmirov (dronan) û balafirên bombebarkirî êrîşî baregeha esmanî ya Elî es-Salim a li Kuveytê kiriye.

Di daxuyaniya Îranê de hate diyarkirin ku di vê êrîşê de sîstemên parastina esmanî yên Patriot û rampayên avêtina fûze û dronan ên artêşa DYAê hatine armanckirin û lêxistin.

Beriya daxuyaniya Îranê, artêşa Kuveytê dabû zanîn ku hêzên wan bersiva êrîşên dronan ên dijminane dane û ji bo parastina ewlehiyê banga baldariyê li welatiyên xwe kiribû.

Li Bahreynê jî sîstemên parastinê ketin dewrê

Hevdem li gel vê geşedanê, artêşa Bahreynê jî daxuyaniyek belav kir û helwest û êrîşên Îranê yên li ser axa xwe wekî "sîstematîk û dijminane" binav kir.

Hat ragihandin ku sîstemên parastina esmanî yên Bahreynê bersiva rêzefîşek û êrîşên esmanî yên Îranê dane.

Wezareta Karên Navxweyî ya Bahreynê ji bo parastina ewlehiya sivîlan hişyarî da gel ku heta rewş aram dibe ber bi cihên ewle ve biçin.

Parve bike: