Bangewaziya Yildirim li HDPê

PeyamaKurd - Serokwezîrê Tirkiyê û Wekîlê Serokê Giştî yê AK Partiyê Bînalî Yildirim bangewazî li HDPê kir û got: "Bila bi eşkere PKKê nalet bikin, bi eşkereyî li dijî PKKê bisekinin, wê demê cihê wan li ser serê me û çavê me heye."

Yildirim di çarçoveya bangeşeya hilbijartinê li Batmanê axivî.

Yildirim di axaftina xwe de bangewaziya HDPê kir û ev îdîa anîn ziman:

"HDP ne partiyeke azad e. Di emrê Qendîlê de ye. Di emrê PKKê de ye. Ji Kurdan, ji herêmê dengan werdigire lê di emrê wan de ye. Ne daxwaz û telebên we, çiyê çi bixwaze wê dikin. Bila azad bin, bila bi eşkere PKKê nalet bikin, bi eşkereyî li dijî PKKê bisekinin, wê demê cihê wan li ser serê me û çavê me heye."