Biden: Em ji bo endamtiya Ukrayna ya NATOyê hêsankarî û cudahiyê nakin!

PeyamaKurd – Serokê Amerîkayê Joe Biden, beriya serdana xwe ya Pennsylvaniayê bersiva pirsa rojnamevanan a ‘Gelo hûn ê ji bo endamtiya NATO ya Ukraynayê hêsankariyê bikin?’ da.

Biden diyar kir ku pêwîste di proseya endamtiya NATOyê de Ukrayna jî heman standardan bicih werîne û di vê çarçoveyê de jî ti cudahî û hêsankariyek bo vî welatî nayê kirin.

Biden wiha got: "Nexêr (em hêsankariyê nakin). Lewre pêwîste standardan bicih bînin. Ji ber vê ezê hêsankariyê nekim. Bi ya min dikarin û dê wan standardan pêk bînin, lê ev ne proseyeke otomatîk e.”

Li ser bicihkirina çekên nukleerî yên Rûsyayê li Belarûsê jî Biden diyar kir ku ew bi temamî helwesteke neberpirsiyarane ye.