Brîtanyayê Supaya Pasdaran wek gefeke netewî ragihand

PeyamaKurd - Wezareta Karên Navxwe ya Brîtanyayê ragihand ku di çarçoveya Yasaya Ewlehiya Neteweyî de, Supaya Pasdarên Şoreşa Îslamî ya Îranê (IRGC), Tevgera Îslamî ya Parêzvanên Rast (IMCR) a ser bi Îranê ve û Yekeyên Dildar ên GRU yên girêdayî Rûsyayê wekî "Gefa Ewlehiya Neteweyî" hatine ragihandin.

Pêşnûmeya biryarê ya ku ji aliyê Wezîra Karên Navxwe Shabana Mahmood ve pêşkêşî parlamentoyê hatibû kirin, bi fermî hat pejirandin.

Ev pêngava tund a Londonê ku rasterast bandorê li têkiliyên dîplomatîk dike, wekî xaleke nû ya krîtîk di lîsteya ewlehiya navneteweyî de hat tomarkirin.

Di daxuyaniya ku ji aliyê hikûmetê ve hat belavkirin de hat destnîşankirin ku ji niha û pê de nîşandana her cûre piştgiriyê ji bo van saziyan wekî sûc tê qebûlkirin; yanî her kesê ku kiryarên van koman ên li dijî ewlehiya Brîtanyayê bipesinîne an jî han bide, dê rûbirûyî cezayên hişk ên dadgehê bibe.

Herwiha, dabînkirina alîkariyên madî, standin an dayîna dirav ji van koman re hate qedexekirin û hat diyarkirin ku cezakirina van sûcan dê heta 14 salên zindanîkirinê bi xwe re bîne.