CENTCOM: Em ji her gefeke DAIŞê ya ser Hewlêrê re amade ne

PeyamaKurd - Fermandariya Navendî ya Amerîkayê (CENTCOM) ragihand ku îro (30ê Îlonê) vekişîna serzenî û bi rêkûpêk a hêz û alavên Amerîkayê ji Firokexaneya Hewlêrê bi dawî bûye, û bi vî rengî misyona Operasyona Inherent Resolve li Iraqê bi fermî hat girtin.

Ev gav beşek e ji veguherîna ber bi têkiliyeke berevaniyê ya dualî ya di navbera Amerîka û Iraqê de, lê fermandariya CJTF-OIR bo Urdunê hat veguhestin daku operasyonên li dijî DAIŞê yên li Sûriyeyê bidomin.

Fermandarê CENTCOM Admiral Brad Cooper destnîşan kir ku ji ber xebat û fedakariya bi hezaran leşker û dîplomatên Amerîkî, DAIŞ êdî gefeke sîstematîk li ser ewlehiya neteweyî ya Iraqê nake.

Cooper tekez kir ku Hêzên Ewlehiyê yên Iraqê û Pêşmerge niha xwediyê kapasîte, serokatî û serbixwebûna pêwîst in ku bi tena serê xwe gefên li ser welatê xwe birêve bibin, lê her di demê de hêzên herêmî dê ji bo her gefeke nû ya DAIŞê amade bin.