CENTCOMê daxuyanî da: Ji ser Iraqê 15 mosek avêtin baregeha Rimêlanê

PeyamaKurd – Fermandariya Hêzên Navendî ya Amerîkayê (CENTCOM) ragihand, baregeheke wan a li Sûriyê rastî êrîşeke moşekî hatiye ku 15 moşek ji nav erda Iraqê hatine avêtin.

CENTCOMê li ser malpera xwe ya fermî da xuyakirin: “Roja 03.12.2023 piştî nîvro li demjimêr 14:15, bi 15 moşekên 122 mîlîmî ji ser Iraqê ve baregeha Rimêlan a Amerîka ya li Sûriyê hatiye moşekbaran kirin. Di nav hêzên me de ti ziyaneke canî çênebûye û ti amûreke baregehê neketiye ber êrîşê.”

CENTCOMê eşkere kir, hêzên wan cihê avêtina moşekan tespît kirine ku ji Iraqê ve ew moşek ji ser kamyoneke barhilgir hatine avêtin.