Cîhan
Cîgirê Serokê Venezuela tûsî Koronayê bû
PeyamaKurd – Berpirsê Aboriya Venezuela û herwiha Cîgirê Serokê Venezuela Tareck El Aissami, bi vîrusa Korona ket.
El Aissami ji Twitterê da zanîn ku ew ketiye kerentîneyê.
El Aissami ragihand, ‘’Ez xwe li Xwedê û li jiyanê digrim û dikevim vî şerî, ji ber ku em ê bi ser kevin.’’
Serokê Venezuela Nicolas Maduro jî di Twitterê da ji El Aissami xwest ku bi hêz be, û diyar kir ku ew ê bo jiyaneke bi tenduristî ser kevin.
Li Venezuela heta niha bi qasî 9000 kes bi vîrusa Korona ketine û 80 kesan jî bi wê can dane.