"Di 24 saetên dawî de 33 keştî ji Tengava Hurmuzê derbas bûn"

PeyamaKurd - Fermandariya Deryayî ya Supaya Pasdarên Şoreşa Îranê ragihand ku di 24 saetên dawî de 33 keştî, di nav de tankerên petrolê û keştîyên bazirganî, ji Tengava Hurmuzê derbas bûne.

Hejmara keştîyên ku di Tengava Hurmuzê de derbas bûne, ku ji aliyê Îranê ve piştî êrîşên Îsraîl û Amerîkayê hatibû girtin, ji bo 24 saetên dawî hatiye eşkerekirin.

Medyaya Îranê daxuyaniya Fermandariya Deryayî ya Supaya Pasdarên Şoreşê ya derbarê Tengava Hurmuzê de weşand.

Di daxuyaniyê de hat destnîşankirin ku di 24 saetên dawî de 33 keştî, di nav de tankerên petrolê, keştîyên konteyner û keştîyên din ên bazirganî, di bin hevrêzî û ewlehiya hêzên deryayî de ji Tengava Hurmuzê derbas bûne.

Îranê piştî şerê ku bi êrîşên hevbeş ên Amerîka û Îsraîlê di 28ê Sibatê de dest pê kir, Tengava Hurmuzê ku xaleke stratejîk a transîtê ji bo enerjiya cîhanî ye, girt.

Ev biryar bû sedema zêdebûna bihayên petrolê heta %65 li gorî astên berî şer.