Di behrê de termê 19 penaberan hate dîtin

PeyamaKurd- Li peravên behrê yên Tûnisê cenazeyê 19 penaberên ku keştiya wan noqî avê bûbû, hate dîtin. Xebatên lêgerîn û rizgarinê jî berdewam dikin.

Rêveberiya Giştî ya Parastina Netewî ya Tûnisê li ser medya civakî parve kir; cenazeyê 19 penaberên ku keştiya wan noqî avê bûye li peravên Tûnisê hatine dîtin. 

Hate gotin: “Di xebatên lêgerîn û rizgariyê ya Parêzvanên Behrê yê Sfaksê de cenazeyê 19 penaberan hatiye dîtin.” 

Li gorî zanyariyan, xebatên lêgerîn û rizgariyê di 24 seatên dawî de bi awayekî zêde didomin û 5 qaçaxçîyên penaberan jî hatine girtin.