Di êrîsên Amerîkayê de 25 çekdarên Hesda Seibiyê hatin kustin û 50 jî birîndar bûn

PeyamaKurd - Wezareta Berevaniyê ya Amerîkayê (Pentagon) berpirsiyariya êrîşe ser baregeha Hizbullaha Iraqê û Heşda Şeibî li xwe girt ragihand ku wan 5 baregehên Hizbûllaha Iraqê li Iraq û Sûriyê bombardiman kirine ku 3 ji wan baregehan li Iraqê ne 2 jî di nav erda Sûriyê de ne.

Di êrişên Amerîkayê yên bo ser baregehên hêzên ser bi Heşda Şeibiyê ve, 25 çekdar hatin kuştin û 50 çekdar jî birîndar bûn.

Li gor medyaya fermî ya Iraqê, Heşda Şeibiyê hejmara kuştiyên xwe aşkere kiriye û ragihandiye ku di êrişên Amerîkayê de 25 çekdar hatine kuştin û 50 çekdar jî birîndar bûne.

Pentagonê di daxuyaniyekê de ragihandibû, ku artêşa wî welatî li Iraq û Sûriyê li dijî 5 binkeyên Ketayibên Hizbullahê êrîşên asmanî pêk aniye. Li gor daxuyaniya Pentagonê, 3 ji wan binkeyan li Iraqê û 2 binke jî li nav axa Sûriyê ne.

Pentagonê diyar kiribû, ev êrîş weke bersivekê li hember êrîşa Ketayibên Hizbullahê bo ser binkeya serbazî ya K1 a hevpeymanan li Kerkûkê ye, di wê êrîşê de welatiyekî Amerîkî hatibû kuştin û 4 leşkerên din ên Amerîkayê û 2 leşkerên Iraqî birîndar bûbûn. Heşda Şeibî herwiha ragihand ku lîwayên 45 û 46 ên ser bi wê rêxistinê bûne armanca êrişan.