Dosyeyên rakirina parêzbendiya 4 parlamenteran gihîst parlamena Tirkiyê

PeyamaKurd - Serokomariya Tirkiyê derbarê rakirina parêzbendiya parlamenterên 4 parlamenteran ku 2 ji wan ji HDPê ne, dosye şandin parlamentoyê.

Li gorî dosyeyên hatine amadekirin rakirina parlamenteriya parlamenterê HDPê yê Şirnexê Huseyin Kaçmaz û yê Diyarbekirê Garo Paylan, Parlamenterê CHPê yê Mersînê Ali Mahir Başarir û parlamenterê Partiya Karkeran a Tirkyê (TÎP) yê Stenbolê Ahmet Şik tê xwestin.

Dosyeyên rakirina parêzbendiya her çar parlamenteran ji Komîsyona Dad û Destûrê ya Parlamentoya Tirkiyê re hatin şandin ku piştî nîqaşa ser doseyeyan wê fezlekeyên parlamenteran ji bo dengdanê ji Lijneya Giştî ya Parlamentoyê re werin şandin.