'Êlek Zer' bi ser ketin | Serokwezîr dê biaxive, baca zêde betal dibe

PeyamaKurd - Piştî zêdebûna protestoyan Serokwezîrê Fransayê Edouard Philippe ragihand ku wan zêdekirina baca li ser sotemeniyê vekişandiye. Herwiha hat ragihandin ku dê Serokwezîr Philippe îro piştî nîvro derkeve pêş medyayê û bangewaziyê li Êlek Zeran bike.

Xwepêşanderên ku bi navê ‘Êlek Zer’ tên nasîn ji 17ê Mijdarê ve li gelek bajarên Fransayê li dijî zêdekirina baca ser sotemeniyê, xirabûna şertên jiyanê û zêdebûna kirêyên xaniyan, li bajarên mezin çalakiyên protestoyî li dar dixin.

Heta niha herî kêm 2 kesan di wan protestoyan de can daye û bi sedan kes jî birîndar bûne.

Serokomarê Fransayê Emmanuel Macron guh nedabû daxwazên xwepêşanderan û krîza protestoyan çareser nebûbû.

Bi daxuyaniya serokwezîr re rêya çareseriyê xuyabû, tê ragihandin ku Êlek Zer di daxwazên xwe de bi ser ketin.