Erebistana Siûdiyê daxwaza Îsraîlê red kir

PeyamaKurd - Rojnameya Haaretz a Îsraîlê, li ser bingeha du çavkaniyên dîplomatîk îdia kir ku Serokwezîrê Îsraîlê Binyamin Netanyahu xwestiye ku tevlî şerê li dijî Hûsiyên Yemenê bibe û bi rêya navbeynkariya DYAê hewla piştrastkirina Erebistana Siûdiyê daye.

Lê belê li gorî nûçeyê, Mihemed bin Selman ev pêşniyar qebûl nekiriye.

Îsraîlê xwestiye bi peydakirina hevkariya leşkerî ya li dijî Hûsiyan re, riya rêkeftina normalbûna peywendiyan ligel Erebistana Siûdiyê veke.

Mihemed bin Selman diyar kiriye ku hevkariyeke berbiçav a bi Îsraîlê re dikare bertekên neyênî di nav raya giştî ya Erebistana Siûdiyê de çêbike, ji ber wê jî daxwaza Tel Avîvê red kiriye.

Piştî helwesta bi biryar a Selman, mudaxeleya leşkerî ya rasterast a Îsraîlê li Yemenê ji rojevê ketiye.

Derbarê van îdiayan de heta niha ji aliyê berpirsên fermî yên Erebistana Siûdiyê ve ti daxuyaniyek nehatiye dan.