"Ger ew dîsa heman rêyê hilbijêrin, ew ê bersivek hîn dijwartir bibînin"

PeyamaKurd - Serokê Parlamentoya Îranê Mihemed Baxêr Xalîbaf hişyarî da DYA ku pabendî şertên peymanê bibe û got, "Di şer de carekê li wan hat xistin; ger ew dîsa heman rêyê hilbijêrin, vê carê ew ê bersivek hîn dijwartir bibînin."

Piştî îmzekirina peymana di navbera DYA û Îranê de ji aliyê serokên her du welatan ve, ji rêveberiya Tehranê hişyariyek balkêş ji Washingtonê re hat.

Di daxuyaniyekê de li ser hesabê xwe yê medyaya civakî, Xalîbaf diyar kir ku karê wan ew e ku bicîhanîna şert û mercên peymanê misoger bikin û got, "Ger aliyê din soza xwe negire, peymanê binpê bike û daxwazên zêde bike, em ê dudilî nebin ku bersivek pir zêde bidin dijmin."

Xalîbaf hişyar kir ku ger peyman were binpêkirin wê bersiva wan dijwar be û ev gotin bi kar anî, "Di şer de carekê li wan hat xistin; ger ew dîsa heman rêyê hilbijêrin, vê carê ew ê lêdanek hîn dijwartir bibînin."