Hêviya Heyder Ebadî ma konferansa Kuweytê

Serokwezîrê Iraqê Heyder Ebadî di gelek axafitên xwe de behsa konferansa Kuweytê dike. Konferansa Kuweytê wê di rojên pêşiya me de bê kirin.

Di konferansê de armanc ew e ku planê îmara Iraqê û bi taybetî ya Mûsilê pêşkêşî konferansê bikin da ji avakirinê re finansman bê bidestxistin.

Wê gelek dewlet tevli konferansê bibin û Ebadî dibêje ku ew bi Tirkiye, Îran, Misir, Kuweyt û Urdunê re têkiliyên aborî bipêşxistiye û dixwazin dewama wan têkiliyan hebe.

Wezîrê avadankirinê ye Iraqê berê jî ragihandibû ku bo avakirina Mûsilê pêdivî bi 100 mîlyar dolarî heye.