Hikûmeta Iraqê ragihand: Me Telegram girt!

PeyamaKurd- Ji aliyê Wezareta Ragihandinê ya Iraqê ve hat ragihandin ku wan li welatê xwe gihîştina Telegramê asteng kiriye û hat diyarkirin ku ev biryar, li ser daxwaza rayedarên dewletê hatiye dayîn.

Di daxuyaniya wezaretê de sedema biryara girtina Telegramê, wekî “pêşîlêgirtina ji derçûna belgeyên taybet ên dewletê û parastina daneyên kesane yên welatiyan” hat diyarkirin.

Her wiha hat zanîn ku milîsên şîe yên ku Îran piştgirîya wan dike û li Iraqê Telegramê bi awayekî çalak bi kar tînin û hat diyarkirin ku ew li hember vê gavê bertekên tund nîşan didin.

Milîsên Şîe yên navborî îdia dikin ku Balyozê Amerîkayê fermana girtina Telegramê daye hikûmeta Iraqê.