Îdiaya çapemeniya Îsraîlê: Wê di 28ê Adarê de agirbest were ragihandin!

PeyamaKurd - Televîzyona Kanala 12 a Îsraîlî îdia kir ku Serokê Dewletên Yekbûyî yên Amerîkayê Donald Trump dikare roja Şemiyê, 28ê Adarê, agirbestê îlan bike, her çend bi Îranê re lihevkirinek çênebe jî.

Nakokî, ku bi êrîşên hewayî yên Îsraîl û Amerîkayê li dijî Îranê dest pê kir, berdewam dike.

Piştî operasyonên hevbeş ên ku di dawiya Sibatê de dest pê kirin, bersivên Îranê jî berdewam dikin.

Li gorî kanala televîzyonê ya Îsraîlî Kanala 12, îhtîmalek heye ku Serokê Dewletên Yekbûyî yên Amerîkayê Donald Trump roja Şemiyê agirbestê îlan bike.

Di raporê de hat destnîşankirin ku Îsraîl pêşbînî dike ku Trump wê roja Şemiyê, 28ê Adarê, agirbestê îlan bike, her çend bi Îranê re lihevkirinek dawî û diyarker neyê kirin jî.