IFJ: Rojnamegeran berdin

PeyamaKurd – Federasyona Navneteweyî ya Rojnamegeran (IFJ)ê xwest 7 rojnamegerên ku ji ber bîranîna hevrêyên xwe yên hatin qetilkirin hatin girtin, bên berdan. 

Di çalakiya 21ê kanûnê de li Stembolê ji bo rojnameger Nazîm Daştan û Cîhan Bîlgînê yên ji aliyê Tirkiyeyê ve bi balafirên bêmirov ên Çekdar hatin qetilkirin, rojnameger Gulîstan Dursun, Hayrî Tunç, Enes Sezgîn, Osman Akîn, Can Papila, Pinar Gayip û Serpîl Unal hatin binçavkirin. 

Federasyona Rojnamegerên Navneteweyî (IFJ) di daxuyaniya xwe ya li ser hesabê xwe yê medyayê de xwest 7 rojnameger bên berdan. 

IFJyê, di daxuyaniya xwe ya li ser hesabê xwe yê medyaya civakî de got, “Em bang li rayedaran dikin ku demildest wan berdin.”