Îlham Ehmed bersiva îdiayên hevdîtina bi Ocalan re da
PeyamaKurd - Di demên dawî de, hin dezgehên medyayê û platformên medyaya civakî îdia kirin ku Fermandarê Giştî yê Hêzên Sûriya Demokratîk (HSD) Mazlûm Ebdî û Hevseroka Beşa Têkiliyên Derve ya Rêveberiya Xweser a Rojava Îlham Ehmed serdana Girava Îmraliyê kirine û bi Abdullah Ocalan re civiyane.
Îlham Ehmed îdiayên ku dibêjin wê li Girava Îmraliyê bi Abdullah Ocalan re hevdîtin kiriye red kir.
"Ev nûçe bi tevahî bê bingeh e"
Di daxuyaniyekê de ku bi rêya hesabê xwe yê X hatiye kirin, Îlham Ehmed îdiayan bi awayekî kategorîk red kir.
Di daxuyaniya xwe de, Îlham Ehmed got:
"Di demên dawî de, nûçe belav bû ku me li Îmraliyê bi Birêz Abdullah Ocalan re hevdîtin kiriye. Em dixwazin bi zelalî ji raya giştî re bêjin ku ev nûçe bi tu awayî rast nîne. Tu hevdîtin pêk nehatiye û îhtîmala hevdîtinek wisa tune ye."