Îran: Êrîşên dawî yên Amerîkayê tawanek şer a zelal e!

PeyamaKurd - Wezareta Derve ya Îranê êrîşên artêşa Amerîkayê li ser çend cihan li parêzgehên peravên başûr û du pirên li ser rêya trênê ya Meşhedê şermezar kir.

Di daxuyaniyek nivîskî de, wezaretê diyar kir ku ev êrîş "sûcekî şer ê zelal" pêk tînin û gelê Îranê hîn jî bi biryar e ku yekparçeyiya xaka welêt, serwerî û ewlehiya neteweyî biparêze.

Di daxuyaniyê de hat destnîşankirin ku êrîşên ku ji hêla Amerîkayê ve di 48 saetên dawî de bi hinceta bûyerên îdiakirî yên têkildarî keştiyan li Tengava Hurmuzê hatine kirin, binpêkirina xala 2, paragraf 4 a Peymana Neteweyên Yekbûyî û Peymana Têgihîştinê ya li ser Rawestandina Şer pêk tînin.

Wezaretê herwiha daxuyaniyên rayedarên Amerîkî, di nav de Serok Donald Trump jî rexne kir û tekez kir ku nêzîkatiyên weha bi zelalî nebûna pabendbûna bi Peymana Têgihîştinê ya li ser Rawestandina Şer nîşan didin.