Îran: Pêwîstiya me bi danîna mayînan li Kendava Farsê tune

PeyamaKurd - Albay Îbrahîm Zulfîqarî, berdevkê Baregeha Navendî ya Xetam el-Enbiya ya Sipaha Pasdarên Şoreşa Îranê, diyar kir ku ew bi tevahî kontrola Kendava Oman û Tengava Hurmuzê dikin û ji ber vê yekê ne hewce ye ku li Kendava Farsê mayînan deynin.

Zulfîqarî di derbarê danîna mayînan li Kendava Farsê de daxuyanî da.

Zulfîqarî diyar kir ku Îran Kendava Oman û Kendava Farsê kontrol dike û Tengava Hurmuz bi tevahî di bin kontrola wan de ye, û got ku ew ne hewce ne ku li Kendava Farsê mayînan deynin, lê heke pêwîst be wê hemî rêbazên berdest bi kar bînin.

Zulfîqarî herwiha diyar kir ku mafê welatên li derveyî herêmê tune ku destwerdanê li Kendava Farsê bikin.