Ji Îmarat biryara di hefteyekê bicihanîna peymana ligel Qeterê

PeyamaKurd – Li ser bicihanîna peymana asayîbûna têkiliyên bi Qeterê re ku li bajarê Ula yê Erebistana Siûdî di navbera Îmarat, Behreyn, Misir û Erebistana Siûdî de ku du roj berê hatibû îmzekirin, Îmaratê daxuyanî da.

Li gorî ragihandina fermî ya Îmaratê, di nav hefteyekê de wê bazirganî û geştên asmanî di navbera herdu welatan de dest pê bikin û peymana asayîbûna têkiliyan were bicihanîn.

Hêjayî bibîrxistinê ye, ji sala 2017an ve her çar welatên erebî bi hinceta sponsoriya terorê dike û pêwendiyên ligel Îranê berdewam dike, ambargo danîbûn ser Qeterê û hemû rêyên asmanî û bejahî li ser girtibûn.

Di çarçoveya peymana navborî de; pêwîste Qeter 13 xalên bûne sedema ambargoya welatên erebî bicih werîne ku valakirina baregên leşkerî yên Tirkiyê jî di nav de cî digire.