Konsolxaneya Amerîkayê Newroza gelê Kurd pîroz kir.

Konsolxaneya Hewlêrê ya Amerîkayê ji bo Newrozê li ser çapemeniya civakî mesajeke bi vîdyo weşand.

Di mesajê de Konsolê Amerîkayê Ken Gross got “Ez Newroza gelê Kurdistanê pîroz dikim û ji her kesî re aşîtî û aramiyê dixwazim.

Ken Gross wiha berdewam kir Newroz cejna Kurdan a kevneşopî ye û destpêka bihareke nû mizgînî dike. Em wekî Kurdistan û Amerîka, jiyaneke pirrengî dijîn. Ji ber Newrozê em dilşad in û ez hêvî dikim ku Newroz ji her kesî re xweşî û aramiyê bîne.

Ji xeynî Ken Gross, karmendên Konsolxaneyê yên dî jî Newroza gelê Kurd pîroz kirin.