Kurtulmuş bo endamên PKKê: Yên di dema diyarkirî de neyên ji yasayê sûdê nastînin
PeyamaKurd - Serokê Parlamentoya Tirkiyeyê Numan Kurtulmuş, îro 30yê Hezîranê li Parlamentoyê bi Serokê Parlamentoya Norwecê Mesûd Qerexanî re, civiya. Piştî hevdîtina Kurtulmuş û Gharahxani li Hola Merasîmê ya parlamentoyê civîneke çapemeniyê ya hevbeş hate lidarxistin.
Kurtulmuş piştî civînê ji rojnamevanan re derbarê pêvajoya aştiyê ango mijara çekdanîna PKKê û yasaya tê çaverêkirin li parlamentoyê were derxistin.
Kurtulmuş li ser mijara yasaya çarçoveyî ya bo endamên PKKê got, wê nebe efû û wiha pê de çû: “Yasaya ku were derxistin qanûnek serbixwe û demkî ye. Ango, ew qanûneke demkî ye ku dê endamên rêxistina belavbûyî bigire nav xwe. Yên ku piştî demek diyarkirî werin dê jê sûd werbigirin û derî dê ji bo yên ku neyên derî bê girtin.”
‘Divê di demeke kurt de bê amadekirin’
Kurtulmuş got: “Komîsyona Hevgirtina Neteweyî, Biratî û Demokrasiyê, ku me havîna borî li vir li vê salonê ava kir, di dawiyê de bi raporekê xebata xwe bi dawî kir. Ev rapor nexşerêyek e. Niha, li gorî xalên ku di wê nexşerêyê de hatine destnîşan kirin, partiyên me mecbûr in ku ji bo temamkirin û tacîdarkirina vê pêvajoyê rêziknameyeke qanûnî çêbikin. Em bawer dikin ku gavên ku di vî warî de werin avêtin divê di demek kurt de werin temam kirin, da ku endamên rêxistinê çekên xwe deynin, teror bi tevahî li paş bimîne û rêxistin xwe hilweşîne.”
‘Pêwîste Tirkiye vê gavê bavêje’
Kurtulmuş da zanîn ku qanûna ku were amadekirin divê ne qanûnek be ku tenê ji hêla yek an çend partiyan ve were amadekirin û got, “Ev qanûnek be ku bi raya hevpar a Parlamentoyê were amadekirin û pejirandin, mîna ku di komîsyonê de bû, bi lihevkirinê. Hemû saziyên dewletê bi baldarîyeke mezin di derbarê pêvajoyê de xebata xwe didomînin. Ez hêvî dikim ku amadekariyên qanûnî di demek pir kurt de biqedin û pêşî ji komîsyonan û piştre jî ji Civata Giştî re werin şandin. Pêdivî ye ku xebata baş a ku dest pê kiriye di demek herî kurt de û bi awayê çêtirîn were qedandin. Ji niha û pê ve, girîng e ku ev xebat bêyî paşguhkirin, derengxistin û bêyî ku hûrguliya herî piçûk jî were paşguh kirin, bi plansaziyek baş were kirin û Tirkiye vê gavê bavêje.”