Li Bexdayê qedexeya derve hat ragihandin

PeyamaKurd – Piştî aloziyên di xwepêşandanên ku ji roja Înê ve li Bexda û çend bajarên din ên Iraqê berdewam dikin, li Bexdayê qedexeya derketina derve hat ragihandin.

Li gorî daxuyaniya Fermandariya Operasyonan a Bexdayê, heta fermaneke din di navbera demjimêrên 00.00- 06.00 de, li Bexdayê derketina derve hat qedexekirin.

Derbarê rakirina qedexeyê de ti agahîyek nehat dayîn.

Hêjayî bibîrxistinê ye, di encama xwepêşandanên 3 rojan de hejmara kuştiyan gihîştiye 74 kesan û 3 hezar û 654 kes jî birîndar bûne.

Xwepêşander bi sedema gendelî, nebûna xizmetguzariyê û bêkariyê hikûmetê protesto dikin. Serokwezîrê Iraqê Adil Ebdulmehdî tevî ku soza reforman û başkirina rewşê daye jî xwepêşandan berdewam dikin.