Li Papua Gîneya Nû bi mezinahiya 6,4 erdhejek pêk hat!

PeyamaKurd – Li Girava Bougainville ya Papua Gîneya Nû bi mezinahiya 6,4 erdhejek pêk hat.

Navenda Lêkolînên Jeolojîk a Amerîkayê (USGS) ragihand ku navenda erdhejê 57 kîlometre li başûrê bajarê Pangunayê ye.

Li gorî agahiyên destpêkê di erdheja ku bi kûrahiya 41 kîlometreyan pêk hatiye de ti ziyanên canî û madî çênebûne.

Piştî erdhejê hişyariya tsunamiyê nehat dayîn.

Papua Gîneya Nû li ser "Xeleka Agir a Pasîfîkê" ye ku piraniya erdhej û çalakiya volkanîkî ya cîhanê lê diqewime.