Lûtkeya Rusya, Ermenîstan û Azerbaycanê dest pê dike

PeyamaKurd- Li ser lûtkeya ku dê îro li bajarê Soçiyê yê Rusyayê bê kirin, hat ragihandin ku Serokomarê Azerbaycanê, Serokwezîrê Ermenîstanê û Serokê Dewleta Rusyayê derbasî Soçiyê bûne. Hat ragihandin ku dê di lûtkeyê de li ser pêşeroja herêmê nirxandinên dîplomatîk werin kirin.

Di agahiyên hatin parvekirin de hat ragihandin ku Serokomarê Azerbaycanê Îlhan Aliyev, Serokwezîrê Ermenîstanê Nikol Paşinyan û Serokê Dewleta Rusyayê Vladimir Putin, ji bo lûtkeyê li Soçiyê civiyane.

Tê payîn ku di lûtkeya sêalî de li ser havêtina gavên dorfireh ên ji bo ewlehî û biryardariya herêmê û ji bo ku ragihandina navbera Azerbaycan û Ermenîstanê ya li ser aborî û bazirganiyê ji nû ve were avakirin û bipêşxistin; her wiha têkiliyên navbera herdu welatan car din werin nûkirin û werin nirxandin, dê nirxandin werin kirin.

Her wiha hat diyarkirin ku li gorî texmînên tên kirin, dibe ku Vladimir Putin ji bilî lûtkeyê, bi rêberên herdu welatan re yek bi yek jî biaxive.