Maduro: Bi ti awayî îstifa nakim...

PeyamaKurd - Serokê Venezuelayê Nicolas Maduro ku Serokê opozîsyonê Juan Guaido li şûna wî seroktiya xwe ragihandiye û ji aliyê welatên wekî Amerîkayê ve jî hatiye naskirin, li ser gefên Amerîkayê yên îstifakirinê got, “Bi ti awayî îstifa nakim.”

Maduro. Juan Guaidoyê seroktiya xwe ragihandiye jî şiband ‘palyaçoyan’ û diyar kir, ew dê heta sala 2025an li ser kar bimîne û ji bo daxuyaniyên Cîgirê Serokê Amerîkayê Mike Pence got, “Ji daxuyaniyên Pence bêçaretiya serok (Trump) dibînim. Nefret û hêrsa wî dibînim. Dibînim ku zorê didin hiqûqê. Hikûmeta Amerîkayê zorê dide pêkanînan senaryoya herî xirab a dînîtiyê.”