Mayîna ku Boko Haramê çandibû teqiya: 8 sîvîl mirin

PeyamaKurd – Li Nîjeryayê li eyaleta Bornoyê hat ragihandin mayîna ku Boko Haramê di rê de çandibû teqiya û di encamê de 8 sîvîl mirin û gelek kes birîndar bûn. Mayîn, di wexta ku 2 erebeyên bazirganî di rê de diçûn teqiya.

Mayîn, li ser rêya Ngala-Dikwa hatibû çandin. Heya niha Boko Haramê rûdanê negirtiye ser xwe lê li heman herêmê tevgerên Boko Haramê gelek zêde ne.