Mazlûm Ebdî sersaxî ji bo Lindsey Graham xwest

PeyamaKurd - Fermandarê Giştî yê Hêzên Sûriyeya Demokratîk (HSD) Mazlûm Ebdî, piştî mirina Senatorê Amerîkî Lindsey Graham peyamek sersaxiyê weşand.

Di peyama xwe de ku bi rêya hesabê xwe yê Xê hatiye parvekirin, Ebdî tekez kir ku piştgiriya Graham ji bo gelê Kurd û hewldanên wî yên ji bo aştiyê li Sûriyeyê nayên jibîrkirin.

Peyama Ebdî wiha ye:

"Min bi xemgîniyek kûr ji mirina Senator Lindsey Graham bihîst. Xizmeta wî ya dirêj, serokatiya wî ya bi prensîb, piştgiriya wî ya bêdawî ji bo Kurdan û parêzvaniya wî ya bêtawîz ji bo Sûriyeyek aştîxwaz û dadperwer wê di dîrokê de werin nivîsandin. Ez sersaxiyên xwe yên kûr ji malbat, heval û hemû kesên ku di vê dema şînê de ji wî hez dikirin re pêşkêş dikim. Bila ew di aştiyê de bimîne."