Otobusa Diyarbekirê wergeriya, 45 birîndar hene

PeyamaKurd - Li navçeya Hûyûkê ya Konyayê, otobuseke rêwiyan a şîrketa Yenî Diyarbekirê ku ji Antalyayê ber bi Îdirê ve diçû ji rê derket û ket xendeqê.

Ev qeza şeva borî saet di 02:00yan de li ser rêya Isparta û Beyşehirê çêbû piştî ku ajokar kontrola dîreksiyonê ji dest da. Di encama vê bûyerê de bi giştî 45 kes birîndar bûn.

Tîmên tenduristiyê birîndar veguhastin Nexweşxaneya Dewletê ya Beyşehirê û agahî hatin dan ku rewşa nêzîkî 40 birîndaran baş e.

Li aliyê din, 5 birîndarên rewşa wan girantir hatin rakirin nexweşxaneyên navenda Konyayê û 3 birîndar jî ji bo dermankirinê şandin Seydîşehirê, di demê de ku lêkolîna li ser sedemên qezayê berdewam dike.