Ozgur Ozel bang li mixalefetê kir ku “li kêleka hev bisekinin”

PeyamaKurd – Serokê Giştî yê Partiya Komarî ya Gel (CHP) Ozgur Ozel di Foruma Vegera Ser Rêya Demokrasiyê de ya ku ji aliyê Weqfa Polîtîkayên Welat ve hat lidarxistin daxuyaniyek da. Ozel bang li mixalefetê kir ku “li kêleka hev bisekinin”. Ozgur Ozel xîtabî mifetişên ku ji bo lêkolîna şaredariyên partiya wî hatine wezîfedarkirin kir û got, “Heta ku hûn li gorî qanûnê pêwira xwe pêk bînin, hûn di bin çavdêriya me de ne. Hesabê ku tu şaredariya me tuneye ku nikaribe bide.”

Ozel bang li mixalefetê kir û got, “Me nîqaşên namzetiyê yên di nava partiyê de li aliyekî hiştin. Banga min ji bo mixalifan ew e ku ji bo hemî demokratan jî girîng e ku pêşeroja vî welatî biparêzin, ne ku wekî hikûmet dixwaze ji hev belav bibin, belku li kêleka hev rawestin û ji xeletiyên cara dawî fêr bibin.”

Ozgur Ozel di berdewama axaftina xwe de  diyar kir ku ew ê li dijî qeyûman bisekinin. Der barê lêpirsînên li Şaredariya Bajarê Mezin a Enqere û Stenbolê de hatine destpêkirin de jî xîtabî mifetişan kir û got, “Heya ku hûn li gorî qanûnê erka xwe pêk bînin, hûn di ser serê me re ne.”