Pakistan: Me balafira ser a Hindistanê xiste xwarê
PeyamaKurd - Artêşa Pakistanê ragihand, ku balafireke şer a Hindistanê ji aliyê hêzên esmanî yên wî welatî ve li bûye armanc û hatiye xistin.
Li devera Budgam a ser bi herêma Cammu Keşmîrê ve balafireke şer a Hindistanê ket. Artêşa Pakistanê ragihand ku wan balafira Hindistamê xistiye xwarê.
Artêşa Pakistanê ragihandiye, 2 balafirên şer ên Hindistanê derbasî qada esmanî yê Pakistanê li herêma Cammu û Keşmîrê bûne, lewma balafirên şer ên Pakistanê firrîne û piştî hişyarkirinê herdu balafirên Hindistanî kirine armanc.
Li gor daxuyaniya Artêşa Pakistanê, di encamê de balafireke şer a Hindistanê ketiye xwarê.
Ajansa Nûçeyan PTIê ragihand ku balefira Hindistanê li nêzîkî gundê Garend Kalaan ketiye û di encamê de 2 pîlot û sivîlekî jiyana xwe ji dest dane.