Pompeo: Bikaranîna Tirkiyê ya S-400an cfikaran çêdike

PeyamaKurd - Wezîrê Derve yê Amerîkayê Mike Pompeo dîyar kir ku Tirkîye bi karanîna sîstema berevanî ya Rûs ya S-400 fikaran çêdike.

Pompeo di civîneke rojnamevaniyê de li Washingtonê de ji rojnamevanan re da zanîn ku Washingtonê ji Enqerê re bi awayekî eşkere gotiye ku ji karanîna S-400 ya Rûs dûr bikevin. Pompeo got, ‘’Em hêvîdar in, bi Tirkan re danûstandinê dikin û hewil didin ku çareseriyekê bibînin’’

Wî da zanîn ku karbidestên Amerîkî û Tirk bo çareseriyê danûstandinê dikin.

Rayedarên Tirk didin zanîn ku wan ser nekaranîna S-400 soz nedaye ti kesî.

Wezîrê Derve yê Tirkiyê Mevlut Çavuşoglu dabû zanîn ku jiber ku pêwîstiya wan bi S-400 hebû wan ew pergal kirîne.