Pûtîn: Em destûra xirabkirina navmala xwe û soresên rengorengo nadin!

PeyamaKurd – Serokê Rûsyayê Vladimîr Pûtîn di civîna awarte ya Peymana Hevkariya Ewlehiyê ya welatên Sovyeta berê de, bal kişand ser  bûyerên li Kazaxistanê rû dane û got, ew destûrê nadin pêkhatina şoreşên rengorengo.

Vladimîr Pûtîn di civîna awarte ya derbarê rewşa Kazaxistanê de got: “Em destûrê nadin rewşa navmala me xirab bikin û destûra şoreşên rengorengo nadin.”

Li ser xwepêşandanên dijî bihayiyê û deshilatê yên Kazaxistanê jî Pûtîn diyar kir, “Êrîşa dijî Kazaxistanê çalakiyeke êrîşkarî ye’ û îdia kir ku kesên beşdarî xwepêşandanan bûne û tundî kirine, li kampên derveyî welat hatine perwerdekirin.