Rutte: NATO amade ye her bostek axa hevalbendê xwe biparêze

PeyamaKurd - Serokwezîrê Estonyayê Kristen Michal û Sekretêrê Giştî yê NATO’yê Mark Rutte di civîneke hevbeş a çapemeniyê de li Tallinnê bal kişandin ser gefên Rûsyayê yên li ser hevalbendên rohilatê NATO’yê.

Michal amaje bi krîza li Tengava Hurmizê kir û hişyarî da ku di hewleke êrîşê ya Rûsyayê de, kontrola Deryaya Baltikê û Kendava Fînlandiyayê dê rasterast bê girtin.

Mark Rutte jî tekez kir ku NATO amade ye ku "her bostek ji axa hevalbendên xwe" li dijî her cûre êrîşên leşkerî û hîbrîd biparêze.

Di civînê de Rutte bal kişand ser amadebaşiya firokeyên şer ên DYA û Tirkiyeyê yên ku asmanê herêmê diparêzin û ragihand ku NATO li hember gefên karên sîber û êrîşên nehevseng ên Moskovayê xwedî vebijarkên bersivdanê ye.

Rutte, her wiha got ku NATO hevpeymaniyeke berevaniyê ye, lê heke Rûsya gavan biavêje, dê bi bersiveke gelekî tund û amadekirî re rûbirû bibe.