Serokê Nîkaraguayê: Êdî hilbijartin çênabin!

PeyamaKurd - Serokê Nîkaraguayê Daniel Ortega, deriyê xwe bi tevahî li ber muxalefetê girt û ragihand ku êdî li welêt hilbijartinên "azad" nayên lidarxistin.

Di pîrozbahiyên salvegera 47emîn a Şoreşa Sandînîsta de, li Managua, paytexta Nîkaraguayê, bi hezaran alîgirên xwe re axivî û ragihand ku hilbijartin êdî nayên lidarxistin û destwerdana Amerîkayê û serweriya welêt binpê kir.

Ortega diyar kir, "Çîroka partiyên ku ji hêla Yankees (DYA) an Somozaites (pîlangerên darbeyê) ve hatine damezrandin û vedigerin ser desthilatdariyê bi dawî bûye. Qet, qet, qet... Yankees çiqas pere bidin wan jî, ew ê bi ser nekevin. Divê em qanûnên ku dîwarek li pêşiya pîlangerên darbeyê, xayînan ava bikin biafirînin."

Ortega, ku muxalefetê bi hedefgirtina çavkaniyên giştî tawanbar kir got, "Ew hewl didin ku bi rêya dibistanan pere qezenc bikin (dewlemend bibin). Lê bila ji bîr bikin: li vir careke din hilbijartinek tune ku ew hewl bidin hikûmet û desthilatdariyê bi dest bixin."