Serokê Parlamentoya Îranê Qalîbaf serdana Bexdayê dike
PeyamaKurd - Hate ragihandin ku sibe 19ê Tebaxa 2026an Serokê Parlamentoya Îranê Mihemed Baqir Qalîbaf ligel şandeke bilind digihîje paytexta Iraqê Bexdayê.
Li gorî agahiyên medyaya Îranê, armanca vê serdanê gotûbêjkirina geşedanên dawî yên herêmî, xurtkirina peywendiyên stratejîk û ewlehiya sînoran di navbera Tehran û Bexdayê de ye.
Qalîbaf dê ligel berpirsên pilebilind ên Iraqê bicive û xebatên li ser rûbirûbûna terorê û cîbicîkirina peymanên ewlehiyê yên hevbeş bîne rojevê.
Di serdanê dosyeyên aborî cihekî navendî digirin
Îran hewl dide çareseriyekê ji bo wergirtina 11 mîlyar dolar qerzên xwe yên gaz û elektrîkê yên li ser Iraqê peyda bike û qebareya bazirganiya dualî bigihîne 12 mîlyar dolaran.
Tevî ku astengiyên cezayan ên Amerîkayê li pêşiya daxistina van qerzan bi rêya diravê neqdî hene jî, tê çaverêkirin ku ji bo çareserkirina vê rewşê "Komîteyeke Aborî ya Hevbeş" li Bexdayê bê avakirin.
Serdana herî dawî ya Qalîbaf a ji bo Iraqê di sala 2024an de bû û Tehran pêşxistina hevkariya bi cîranan re wekî gaveke girîng a kêmkirina fişarên navneteweyî dibîne.