Serokwezîrê Almanyayê Friedrich Merz bi serdaneke surprîz çû Kîevê
PeyamaKurd - Serokwezîrê Almanyayê Friedrich Merz bi serdaneke ku di demjimêrên sibehê de bi trêneke taybet pêk anî, çû paytexta Ukraynayê Kîevê.
Merz ê ku ji aliyê Wezîrê Derve yê Ukraynayê Andrii Sybiha ve li otaqê hat pêşwazîkirin, diyar kir ku ji bo dayîna peyama "hûn dikarin bi me bawer bin" li vir e û got: "Zivistana pêncemîn a şer li pêşiya gelê Ukraynayê ye. Ger Rûsya neyê rawestandin, maşîna şer dê rojekê ji rojan berê xwe bide me jî."
Di serdana xwe de Merz ligel Wezîra Aborî û Enerjiyê Katherina Reiche û 10 karsazên ji sektorên parastin û enerjiyê re çû Ukraynayê.
Tê payîn ku di hevdîtinan de bi Serokkomarê Ukraynayê Volodymyr Zelenskyy re pakêta nû ya alîkariya leşkerî û aborî were eşkerekirin, her wiha li ser binesaziya enerjiyê û peymanên hilberîna hevpar a dronan nîqaş bên kirin.