Sînan Ogan, bersiva rexneyên li ser vê dîmenê da!

PeyamaKurd- Namzedê Tifaqa ATAyê ku beriya gera duyem a hilbijartina Serokomariya Tirkiyeyê piştiriya Erdogan kiribû, bersiva rexneyên ku dibêjin ‘bi Serokê Herêma Kurdistanê Nêçîrvan Barzanî re di heman çarçoveyê de ye’ da.

Sînan Ogan ê ku li ser medyaya civakî rastî rexneyên li ser vî fotoyê ku Serokê Herêma Kurdistanê Nêçîrvan Barzanî, Sekreterê Giştî yê NATOyê Jens Stoltenberg û Serokomarê Azerbaycanê Îlham Aliyev li cem hev in, bersiveke tund da.

Alîkarê Serokê Koma İBB ÎYÎ Partiyê Îbrahîm Ozkan jî di nav wan kesên ku rexne li vê yekê digirin ku Nêçîrvan Barzanî û Ogan di heman çarçoveyê de ne, wiha got:

“Hûn nijadperestan qetqetî jî bikin, ew ligel Barzanî foto nakişîne. Bi plansaziyê re dilsoz maye.”

Sînan Ogan bertek nîşanî Ozkan da û got,

“Min mereq kir Birêz Îbrahîm. Te ji nezanîyê ev nivîsî yan tu di dema xwe ya vala ya ji karê şaredariyê de troliyê dikî? Ma tu qet beşdarî civînek navneteweyî nebûyî? Tu di jiyana xwe de tu carî beşdarî kokteylekê nebûyî? Di hawirên wiha de dema ku hûn bi yekî re diaxivin, kesek tê û li wir radiweste yan silavê dide kesê ku hûn pê re diaxivin? Wênegirên ku wê demê amade ne jî wêneyan dikişînin. Ev ne hevdîtinên ku ji berê de hatine plankirin in... Hûn senaryoyan dinivîsin.”