Stoltenberg: Min bi zelalî ji Tirkiyê re got ku NATO ji êrîsê nîgeran e

PeyamaKurd - Sekreterê Giştî yê NATOyê Jen Stoltenberg îro serdana Tirkiyê kir û piştî hevdîtina ligel Wezîrê Derve yê Tirkiyê Mevlut Çavuşoglu civîneke rojnamevanî li dar xist.

Stoltenberg di axaftina xwe de bal kişand ser êrîşa ser Rojavayê û got, wî bi zelalî ji Tirkiyê re gotiye ku NATO ji êrîşa ser Rojavayê Kurdistanê nîgeran e ku ew êrîş alozî û bê îstiqrariyê li herêmê çêdike.

Stoltenberg li ser êrîşa Tirkiyê got ku wê rewşeke xirab a mirovî jî li navçeyê çêbike ku ew daxwaza rawestandina êrîşê dikin.

Sekreterê Giştî yê NATOyê da zanîn ku derbarê YPGê de nerîna endamên NATOyê li gel nerîna Tirkiyê cuda ye û got, tevî ku metirsiyên ewlehiyê yên Tirkiyê rewa ne jî divê rewşeke aloz li navçeyê neyê çêkirin.

Tê çaverêkirin Stoltenberg bi Serokomarê Tirkiyê Recep Tayyip Erdogan re jî bicive.