Sûdanî: Ew proje, dê têkiliyan xurt bike

PeyamaKurd- Serokwezîrê Iraqê Mihemed Şîa Sûdanî, li ser Projeya Rêya Pêşketinê axivî û diyar kir ku ev proje dê têkiliyên di navbera Iraq û Tirkiyê de xurt bike

Buroya çapemeniyê ya Sûdanî, di derbarê naveroka hevdîtina ku duh li Bexdayê di navbera Wezîrê Gihandin û Binesaziyê yê Tirkiyeyê Abdulkadîr Uraloglu û Sûdanî de hat kirin, daxuyaniyeke nivîskî weşand.

Li gorî daxuyaniyê, Sûdanî di hevdîtinê de diyar kir ku Projeya Rêya Geşepêdanê projeyek stratejîk e ku hikûmeta Iraqê girîngiyê bi wê yekê dide û got,

"Pêkanîna Projeya Rêya Geşepêdanê dê pêwendiyên hevbeş di navbera Iraq û Tirkiye û navçeyên din bihêztir bike. Ev yek dê Rojhilata Navîn bi Ewropayê ve girêde." Rêya herî baş, kurt û giranbuha ye."

Hat diyarkirin ku Sûdanî kêfxweşiya Tirkiyeyê ya ji bo beşdarbûna projeyê nirxand û bal kişand ser girîngiya dewamkirina muzakereyên teknîkî yên navbera herdu welatan.