Sûriye | 'Rûsya û Esed, Çiyayê Kurd bombebaran kir’

PeyamaKurd – Hat ragihandin ku digel agirbestê jî li Idlibê bombardimanên balafirên Rûsya û rejîma Beşar Esed berdewam dikin. Li gor çavkaniyên muxalîfên Sûriyê, şeva borî balafirên şer, Çiyayê Kurd, Cisr eş Şugur, Newala Gabê û niştîngehên wan herêman bombardiman kir.

Hat diyarkirin ku ji bilî balafirên şer, topxaneyên artêşa Sûriyê jî êrîşî xalên muxalîfan kirine û li gor îdiayan bombeyên misket jî hatine bikaranîn.

Çavkaniyên opozîsyonê dibêjin ku deverên sivîl jî bûne armanca êrîşan lê derbarê mirî û birîndaran re ti agahî nehatin belavkirin.