"Tom Barrack wê hem Balyoz li Tirkiyê û hem jî Nûnerê Taybet ê Iraq û Sûriyeyê be"

PeyamaKurd - Serokê Amerîkayê Donald Trump ragihand ku wî Balyoz ê niha yê Amerîkayê li Tirkiyê, Tom Barrack, wekî Nûnerê Taybet ê Iraq û Sûriyeyê tayîn kiriye.

Barrack wê erkên xwe yên wekî balyoz li Tirkiyê bidomîne û di heman demê de van her du dosyayên krîtîk ên li herêmê jî birêve bibe.

Di daxuyaniyekê de ku îro bi rêya hesabê xwe yê Truth Social hat kirin, Donald Trump tekez kir ku Tom Barrack li Tirkiyeyê "karekî mezin kiriye".

Trump diyar kir ku ev tayînkirina nû li gorî gavên stratejîk ên Amerîkayê li herêmê ye û got, "Em di serdemekê de ne ku em hevkariya xwe ya stratejîk bi hikûmetên Sûriye û Iraqê re pêşve dixin û têkiliyên me bi wan re berdewam dikin."

Li gorî daxuyaniya Trump, Barrack wê erkên xwe yên nû bi piştgiriya tevahî ya Wezareta Derve ya Amerîkayê pêk bîne. Barrack ku posta xwe ya wekî balyoz li Enqerê diparêze, wê trafîka dîplomatîk li Bexda û Şamê di kapasîteya xwe ya wekî Nûnerê Taybet ê Serokatiyê de hevrêz bike.