Trump: Emê Girava Xarkê û binesaziya petrolê ya Îranê bi temamî kontrol bikin
PeyamaKurd - Serokê Dewletên Yekbûyî yên Amerîkayê (DYA) Donald Trump, li ser hesabê xwe yê tora civakî Truth Socialê peyameke tund belav kir û ragihand ku welatê wî dê îşev derbeke "pir giran û hişk" li Îranê bixe.
Trump diyar kir ku di encama operasyonên wan ên berê de hêzên deryayî, asmanî, binkeyên radarê, sîstemên antî-balafir û beşeke mezin a hêza êrişkar a Tehranê bi temamî hatine rûxandin û ji kar xistin.
Serokê Amerîkayê destnîşan kir ku Washington di biryardariya xwe ya leşkerî de tu gavan paşve navêje û amade ye sîstema parastina Îranê bi temamî têk bibe.
Di berdewamiya daxuyaniya xwe ya krîtîk de, Donald Trump bal kişand ser paşeroja aborî û serbazî ya Kendavê û îdia kir ku di demeke nêzîk de ew ê Girava Xarkê û tevahiya binesaziyên petrolê yên Îranê bi temamî bixin bin kontrola xwe.