Trump: Îsraîl û Îran dixwazin demildest agirbeste pêk bînin

PeyamaKurd - Serokê Amerîkayê Donald Trump, derbarê êrişên dualî yên navbera Îran û Îsraîlê de daxuyaniyek belav kir û ragihand ku Îsraîl û Îran dixwazin demildest agirbestekê ragihînin. Trump destnîşan kir ku danûstandinên dawî yên girêdayî aşitiyê bi rêkûpêk bi pêş ve diçin; lê belê şertê serkeftina vê proseyê girêda bi wê yekê ku tu nezanî an jî bêaqilî nebin asteng li pêşiya gavan.

Heta Peymana Dawî Dê Dorpêç Berdewam Bike

Trump di daxuyaniya ku li ser platforma xwe ya medyaya civakî Truth Socialê de parve kiriye, bal kişand ser berdewamiya zextên aborî û nexşerêya peymanê: Serokê Amerîkayê diyar kir ku divê her tişt bi lez bi pêş ve biçe û hemû alî gavên berçav bavêjin. Trump hişyarî da ku heta peymana dawî neyê îmzekirin, dorpêç dê bi hemû hêz û bandora xwe ve di meriyetê de bimîne.